ແຈ້ງການ ເຖິງ ຄູ-ອາຈານທີ່ມີຄວາມສົນໃຈຢາກຂຽນໂຄງການເຝິກອົບຮົມດ້ານຕ່າງໆ ໂດຍນຳໃຊ້ງົບປະມານຂອງແຜນງານ BEQUAL ໃນໂຄງການ BEIF ເຊິ່ງລາຍລະອຽດ
ມີແບບຟອມດັ່ງລຸ່ມນີ້:
| ລາຍການ | ||
| ເອກະສານເພື່ອສຶກສາໂຄງການ | ||
| ເອກະສານ ເປົ້າໝາຍ ແລະ ຈຸດປະສົງຂອງໂຄງການ | ||
| ແບບຟອມສະຂໍ້ທືນໂຄງການ |
ການສັງເກດການສອນວິຊາວິທະຍາສາດທຳມະຊາດ ຊັ້ນ ມ 1/3 ຂອງນັກຮຽນຄູເຝິກຫັດ ທີ່ ມສ ພັກແຄະ ເມືອງໜອງແຮດ ແຂວງຊຽງຂວາງ
ການມາແລກປ່ຽນບົດຮຽນວຽກງານຈັດຕັ້ງ-ພະນັກງານ ແລະ ວຽກງານກິດຈະການນັກສຶກສາ
ລະຫວ່າງ ວິທະຍາໄລຄູຄັງໄຂ ກັບ ວິທະຍາໄລຄູສະຫວັນນະເຂດ ຄັ້ງວັນທີ 20 ມີນາ 2017 ທີ່ວິທະຍາໄລຄູຄັງໄຂ
ກອງປະຊຸມ ຮັບຮອງການຂຽນຜົນງານທາງດ້ານວິຊາການຂອງຄູ - ອາຈານ ວິທະຍາໄລຄູຄັງໄຂ
ເພື່ອຮັບຮອງຜົນງານການຂຽນທາງວິຊາການຂອງຄູ - ອາຈານ
ວິທະຍາໄລຄູຄັງຈຶ່ງໄດ້ຈັດກອງປະຊຸມຂຶ້ນໃນວັນທີ21 ມີນາ 2017 ຢູ່ທີສະໂມສອນວິທະຍາໄລຄູຄັງໄຂ ໂດຍພາຍໃຕ້ການເປັນປະທານຂອງ ພິທີດັ່ງກ່າວສຳເລັດລົງໃນວັນທີ 21 ມີນາ 2017.
ທ່ານ ອາຈານ ວັນນີ ຢ່າງເຈ່ຍມົວ ເລຂາພັກຮາກຖານຜູ້ອຳນວຍການວິທະຍາໄລຄູຄັງໄຂ ມີຜູ້ເຂົ້າຮ່ວມ 80 ທ່ານ ໃນນັ້ນມີແຂກທີ່ຖືກເຊີນຈາກ
ຄະວິທະຍາສາດທຳມະຊາດ ມະຫາວິທະຍາໄລແຫ່ງຊາດ ແລະ ວິທະຍາໄລຄູ ດົງຄຳຊ້າງ, ວິທະຍາໄລຄູບ້ານເກີນ, ວິທະຍາໄລຄູຫຼວງພະບາງ ແລະ
ວິທະຍາໄລຄູສະຫຫວັນນະເຂດ.
ໃນກອງປະຊຸມຄັ້ງນີ້ຜົນງານດ້ານການຂຽນທາງດ້ານວິຊາການຂອງຄູ - ອາຈານໃນວິທະຍາໄລຄູຄັງໄຂ ມີ 14 ຫົວຂໍ້ທີກອງປະຊຸມວິຊາການ
ໄດ້ຮັບຮອງເປັນຜົນງານດ້ານການຂຽນຂອງຄູ
ຫົວຂໍ້ທີກອງປະຊຸມວິຊາການໄດ້ຮັບຮອງເປັນຜົນງານດ້ານການຂຽນຂອງຄູ
ຄື ປັດໄຈທີ່ເປັນແຮງຈູງໃຈຂອງນັກສຶກສາທີ່ເຂົ້າຮຽນວິທະຍາໄລຄູຄັງໄຂສາຍໄອຊີທີ
ສຶກສາການສອນຂອງຄູໃນໜ່ວຍງານເຄມີສາດ ທີ່ວິທະຍາໄລຄູຄັງໄຂ
ການພັດທະນາການມີສ່ວນຮ່ວມໃນການຮຽນ - ການສອນ ວິຊາຟີຊີກສາດ ຄວາມຮ້ອນກ່ຽວກັບການປ່ຽນແປງພາວະ ແລະ ການສົ່ງຄວາມຮ້ອນ
ຂອງທາດ ສາຍວິທະຍາສາດທຳມະຊາດທີ ວິທະຍາໄລຄູຄັງໄຂ
ສຶກສາແຜນການສອນວິຊາ ຟີຊີກສາດ - ວິທະຍາສາດທຳມະຊາດໃນວິທະຍາໄລຄູຄັງໄຂ,
ສຶກສາການສອນວິຊາຄະນິດສາດກ່ຽວກັບການຈັດລຳດັບແລະ ການຈັດກຸ່ມຂອງສາຍຄະນິດສາດປີທີ 3 ໃນວິທະຍາໄລຄູຄັງໄຂ
ແຮງຈູງໃຈໃນການປະຕິບັດວຽກງານຂອງຄູໃນວິທະຍາໄລຄູຄັງໄຂ,
ສຶກສາແຜນການສອນວິຊາຄະນິດສາດທົ່ວໄປ1 ສາຍຄູປະຖົມໃນວິທະຍາໄລຄູຄັງໄຂ
ພັດທະນາທັກສະການຕອບຄຳຖາມຂອງນັກສຶສາສາຍວິທະຍາສາດສັງຄົມປີ3 ກ ໃນວິທະຍາໄລຄູຄັງໄຂ
ສຶກສາທັກສະການສອນວິພາກບົດເລື່ອງໃນວິຊາວັນນະຄະດີ ສາຍພາສາລາວ - ວັນນະຄະດີປີທີ4
ສຶກສາການສອນວິຊາປະຫວັດສາດ 4 ດ້ວຍການຄວບຄູ່ວິທີສອນແບບສົນທະນາແບ່ງກຸ່ມ ແລະ ວິທີການສອນແບບອະພິປາຍເຂົ້າໃນ
ການຮຽນ - ການສອນຂອງນັກສຶກສາສາຍວິທະຍາສາດສັງຄົມ
ສຶກສາການສອນວິຊາຄະນິດສາດຊັ້ນປະຖົມປີທີ3 ທີ່ໂຮງຮຽນປະຖົມສາທິດຄັງໄຂ ແລະ ໂຮງຮຽນປະຖົມວຽງທອງ, ເມືອງແປກ ແຂວງຊຽງຂວາງ
ການເຮັດຈະກຳກຸ່ມກັບການເຮັດກິດຈະກຳບຸກຄົນແບບໃດດີກວ່າກັນໃນລາຍວິຊາພູມສາດ7ຂອງນັກສຶກສາສາຍວິທະຍາສາດສັງຄົມ
ພັດທະນາການຮຽນຮູ້ຄະນິດສາດດ້ວຍການເຊື່ອມໂຍງບົດບາດຍິງຊາຍຂອງນັກສຶກສາສາຍຄະນິດສາດປີ2ທີ່ວິທະຍາໄລຄູຄັງ
ໄຂສົກຮຽນ 2014 – 2015
ສຶກສາການນຳໃຊ້ວິທີສອນແບບແກ້ໄຂບັນຫາເຂົ້າໃນການສອນວິຊາຄະນິດສາດນຳໃຊ້ບົດທີ2ການແກ້ອະສົມຜົນຂັ້ນສອງສາຍຟີຊີກສາດປີ1
ວິທະຍາໄລຄູຄັງໄຂ 2014 – 2015
ເອກະສານເປີດກ້ອງປະຊຸມກການເຝິກອົບຮົມກ່ຽວກັບການຄົ້ນຫາຂໍ້ມູນ ແລະ ການເຂົ້າເບິ່ງຄະແນນຂອງນັກສຶກສາ ໃນວັນທີ່ 15/3/2017 ເລີມເວລາ 01ໂມງ 30ນາທີ
| ລາຍການ | ||
| ເອກະສານກ່ຽວການເຝິກອົບຮົມ |
ແດ່ວັນແມ່ສາກົນ ທີ 8 ມີນາ
| 8 ມີນາວຽນມາ | ມິ່ງມານດາໝາຍແມ້ງ |
| ນາລີແພງແຫ່ງເຈົ້າ | ຄາວໄດ້ໃຫ້ກຳເນີດ |
| ເປັນວັນເກີດຊື່ຊັ້ນ | ວັນເຈົ້າແມ່ສາກົນ |
| ແມ່ຄືຜູ້ບັງເກີດເກົ້າ | ມວນລູກຊີວາ |
| ແມ່ຄືຊີວາໄລ | ຮັກໄຄ່ຖະຫວາຍລໍ້າ |
| ແມ່ຄືທະເລນໍ້າ | ຫຼາຍຍິ່ງບໍ່ເຫີຍຫ່າງ |
| ແມ່ຄືພະນາງຍອດຟ້າ | ນິດາເຈົ້າໄຄ່ພະຄຸນ ພຸ້ນໃດ |
| ຄຸມານດາແມ່ນີ້ | ໜັກເກິ່ງທໍລະນີ |
| ໃຜຫາກມີຢຳແຢງນົບ | ຈິ່ງຈະດີເມືອໜ້າ |
| ສົມມາລາລື່ນອົ້ມ | ແມ່ຍິງລາວເຮືອງຮຸ່ງ |
| ໂຊດສະການມຸ່ງສ້າງ | ສິດກວ້າງອິດສະຫຼະພາບ ນັ້ນໃດ |
| ປາງຄາວກ່ອນກີ້ | ມານດາແມ່ແມ່ທໍລະມານ |
| ເຮັດແຕ່ວຽກເຮືອນຊານ | ບໍ່ມີສັດທະສຽງເວົ້າ |
| ປ້ອນເຂົ້າປາກລູກນ້ອຍ | ທຸກຄົນໄດ້ກີນອີ່ມ |
| ທາງຫຼັງອອງອີ່ມອ້ອນ | ອວນນ້ອຍແອ່ວກີນນົມ ເດນໍ |
| ມາຮອດຄາວຍຸກນີ້ | ສັງຄົມໃໝ່ໃຫ້ສຳຄັນ |
| ດຸນລະຍາໆຽມກັນ | ສິດສະເໝີພຽງເຈົ້າ |
| ເນົາແດນແວ່ນແຄວ້ນ | ນະຄະລິນທົ່ວລ່າ |
| ດອກມາລາຍົດໄດ້ | ຈຳປາແທ້ແມ່ຍິງ ເຈົ້ານາ |
| ຂໍອວຍພອນສົ່ງໃຫ້ | ມານດາແມ່ທັງຫຼາຍ |
| ຈົ່ງສຸກກາຍສຳລານ | ຫ່າງເຫີນໂລລາຮ້າຍ |
| ຢ່າໄດ້ມາພານຕ້ອງ | ເວນຈ່ອງພະມານດາແມ່່ |
| ຂໍແກ່ສຸລິນພໍ່າຟ້າ | ພອນແກ້ວສິ່ງປະການ ນັ້ນທ້ອນ |
| ອີກຢ່າງໜຶ່ງຂໍໃຫ້ພໍ່າພ້ອມ | ເງິນຄຳໄຫຼຫຼັ່ງ |
| ມີປະທີບນຳທາງ | ເພື່ອນບໍລິບວນເຫຼື້ອມລົ້ມ |
| ມີຖະຫວິນຄົນນົບໄຫວ້ | ເພັດນິນຈິນດາເຕັມຮ່າງ |
| ສຸດຕານາງເດັ່ນພ້ອມ | ອີ່ນໄຄ່ມະໂນ ແມ່ເນີ |
ຜູ້ຂຽນ:ວົງ ວິລະສອນ
ກອງປະຊຸມເຝິກອົບຮົມການສຶກສາຮຽນຮ່ວມ ແລະ ຄົນພິການໃຫ້ຄູສອນໃນວິທະຍາໄລຄູຄັງໄຂ
ສົກຮຽນ 2016-2017
ການເຝິກອົບຮົມການສຶກສາຮຽນຮ່ວມ ແລະ ການສຶກສາສຳລັບຄົນພິການ ໃຫ້ແກ່ຄູປະຈຳການໃນຄັ້ງນີ້ແມ່ນເພື່ອສຳມະນາກອນ
ຈະໄດ້ເຂົ້າໃຈກ່ຽວກັບລັດຖະທຳມະນູນ, ກົດໝາຍການສືກສາ, ກົດໝາຍວ່າດ້ວຍຄົນພິການ. ດຳລັດວ່າດ້ວຍການຈັດຕັ້ງ ແລະ ການເຄື່ອນໄຫວ
ຂອງຄະນະກຳມະການແຫ່ງຊາດເພື່ອຄົນພິການ ແລະ ຜູ້ອາຍຸສູງ, ດໍາລັດວ່າດ້ວຍຄົນພິການ,ນະໂຍບາຍແຫ່ງຊາດ ວ່າດ້ວຍການສຶກສາຮຽນຮ່ວມ,
ນະໂຍບາຍສົ່ງເສີມອາຫານທ່ຽງໃນໂຮງຮຽນ ແລະ ແຜນພັດທະນາການສຶກສາ ແລະ ກິລາ 2016-2020 ສໍາມະນາກອນຈະຮຽນຮູ້ແນວຄວາມຄິດ,
ຫຼັກການ, ຄວາມໝາຍ ແລະ ຄວາມສໍາຄັນຂອງການສຶກສາພິເສດ ແລະ ຮູບແບບ ຂອງ ການສຶກສາຮຽນຮ່ວມສຳລັບຜູ່ຮຽນທີ່ເປັນຄົນພິການ,
ເຂົ້າໃຈວິທີການນຳເອົາເດັກທຸກຄົນເຂົ້າຮຽນ, ຂັ້ນຕອນເພື່ອຈະກາຍເປັນໂຮງຮຽນແບບຮຽນຮ່ວມແລະການສະໜອງການສຶກສາ,ຄວາມເປັນພິການ,
ສະເໝີພາບຍິງ-ຊາຍຊາຍ, ໂພສະນາການ, ສຸຂະອະນາໄມແລະເພດສຶກສາ ສະນັ້ນ ວິທະຍາໄລຄູຄັງໄຂຶ່ງໄດ້ຈັດກອງປະຊຸມເຝິກອົບຮົມຂຶ້ນໃນວັນທີ22
ກຸມພາ 2017 ທີ່ຜ່ານມານີ້ຢູ່ທີສະໂມສອນວິທະຍາໄລຄູຄັງໄຂໂດຍພາຍໃຕ້ການເປັນປະທານຂອງທ່ານ ອາຈານ ວັນນີ ຢ່າງເຈ່ຍມົວ ເລຂາພັກຮາກຖານ
ຜູ້ອຳນວຍການວິທະຍາໄລຄູຄັງໄຂ ມີຜູ້ເຂົ້າຮ່ວມ 116 ທ່ານ.
ການສຶກສາຮຽນຮ່ວມ ແມ່ນຂະບວນການສະໜອງການສຶກສາທີ່ມີຄຸນນະພາບແລະມີການປັບປ່ຽນຢ່າງຕໍ່ເນື່ອງໃຫ້ແທດເໝາະກັບຈຸດພິເສດ,
ຄວາມສາມາດ ແລະ ຄວາມຕ້ອງການທີ່ຫຼາກຫຼາຍຂອງຜູ້ຮຽນທຸກຄົນ, ແນໃສ່ແກ້ໄຂບັນດາອຸປະ
ສັກທີ່ກີດຂັ້ນການເຂົ້າເຖິງການສຶກສາ ໂດຍສ້າງ ສະພາບແວດລ້ອມການຮຽນທີ່ເປັນມິດ, ປອດໄພ, ປະສະຈາກການຈໍາແນກ ແລະ ປົກປ້ອງຜູ້ຮຽນ.
ພ້ອມທັງຊຸກຍູ້ໃຫ້ຜູ້ຮຽນ, ຄອບຄົວແລະຊຸມຊົນໃຫ້ມີສ່ວນຮ່ວມໃນການຮຽນຮູ້ດັ່ງກ່າວຢ່າງມີປະສິດທິຜົນ, ຄົນພິການແມ່ນຜູ່ມີຄວາມບົກຜ່ອງຫຼືສູນເສຍ
ໜ້າທີ່ການຂອງອະໄວຍະວະ ແລະ ອົງຄະສ່ວນໃດສ່ວນໜຶ່ງຂອງຮ່າງກາຍ, ຈິດໃຈ, ມັນສະໝອງ ຫຼື ສະຕິປັນນຍາ ລວມທັງການເບິ່ງເຫັນ, ການໄດ້ຍິນ
ແລະ ການປາກເວົ້າ ໂດຍບໍ່ຈຳແນກສາເຫດຂອງຄວາມເປັນພິການ, ຊຶ່ງຄວາມເປັນພິການນັ້ນ ໄດ້ເປັນອຸປະສັກໃນການເຄື່ອນໄຫວກິດຈະກຳປະຈຳວັນ ແລະ
ການເຂົ້າຮ່ວມກິດຈະກຳທາງສັງຄົມຢ່າງເຕັມສ່ວນ, ໃນໄລຍະຜ່ານມາ ການສຶກສາຮຽນຮ່ວມ ແລະການສຶກສາສຳລັບຄົນພິການຄູ, ຜູ່ປົກຄອງແລະຊຸມຊົນກໍ
ໄດ້ປະຕິບັດມາຫຼາຍປີແລ້ວ ໂດຍສະເພາະແມ່ນການສຶກສາຮຽນຮ່ວມ, ແຕ່ຖ້ຈະທຽບກັບການສຶກສາໃຈບັນດາປະ ເທດອາຊຽນແລ້ວ ຈາກການປະເມີນຂອງ
ຢູເນັດສະໂກໃນປີ 2010 ສ ປ ປ ລາວ ຍັງຕົກຢູ່ໃນອັນດັບທີ 10. ການສຶກສາສຳລັບຜູ່ພິການແມ່ນຍັງບໍ່ທັນເຂົ້າເຖິງເທົ່າທີ່ຄວນ. ດັ່ງນັ້ນ, ບຸກຄົນເຫຼົ່ານີ້ຈິ່ງ
ກາຍເປັນພາລະອັນໜັກໜ່ວງຂອງຄູ, ຜູ່ປົກຄອງແລະສັງຄົມ, ການປ່ຽນແປງຈາກໂຮງຮຽນ ຫຼືຫ້ອງຮຽນແບບເກົ່າໃຫ້ເປັນຫ້ອງຮຽນທີ່ມີລັກສະນະຮຽນຮ່ວມ
ເປັນເພື່ອນມິດນັ້ນເປັນຂະບວນວິວັດທີ່ຕໍ່ເນື່ອງ. ມັນບໍ່ແມ່ນເຫດການອັນໃດອັນໜຶ່ງ ແລະມັນກໍບໍ່ໄດ້ເກີດຂຶ້ນໃນຊົ່ວຂ້າມຄືນ, ມັນຕ້ອງໄດ້ໃຊ້ເວລາ ແລະ
ທີມງານ.ນອກຈາກນີ້ມັນຍັງສາມາດທີ່ຈະໃຫ້ຜົນປະໂຫຍດຫຼາຍຢ່າງສຳລັບພວກເຮົາໃນການປະກອບອາຊີບຄູແລະສຳຄັນທີ່ສຸດແມ່ນສຳລັບເດັກນ້ອຍຂອງພວກເຮົາ,
ຄອບຄົວ ແລະ ຊຸມຊົນຂອງເຂົາ. ໃນກອງປະຊຸມໄດ້ມີການແນະນຳເຜີຍແຜ່, ປະຕິບັດຕົວຈິງ, ບັນຍາຍນິຕິກຳແລະ ນະໂຍບາຍການສຶກສາຮຽນຮ່ວມ ແລະ ສຳລັບ
ຄົນພິການ ບັນຍາຍໂດຍ ອາຈານ ຄຳເມິງ ດວງທອງລາ, ຄວາມໝາຍ, ແນວຄິດ, ຫຼັກການຄວາມສຳຄັນ ແລະ ຮູບແບບການຮຽນຮ່ວມ ແລະ ການສຶກສາພິເສດ
ບັນຍາຍໂດຍ ອາຈານ ລີວັນ ວົງດານັນທະພັນ, ການຈັດສະພາບແວດລ້ອມໂຮງຮຽນເພື່ອອຳນວຍຕໍ່ການຮຽນຮ່ວມ ແລະ ເປັນມິດໃນການຮຽນຮູ້ , ການສອນພາສາລາວ
ໃຫ້ເດັກຊົນເຜົ່າ ບັນຍາຍໂດຍ ຄູ ວົງ ວິລະສອນ. ກອງປະຊຸມສຳເລັດລົງ ໃນວັນທີ 22 ກຸມພາ 2017 ທີ່ຜ່ານມານີ້ ບັນນາທິການວິທະຍຸແຂວງຊຽງຂວາງ
ຜູ້ຂຽນ: ແສງດາວ ຮຸ່ງອາລຸນ