ໂດຍພາຍໃຕ້ການເປັນປະທານຂອງທ່ານ ຮສ. ປອ ພຸດ ສິມມາລາວົງ ກຳມະ ການສູນກາງພັກ ລັດຖະມົນຕີກະຊວງສຶກສາທິການ ແລະ ກິລາ, ພ້ອມດ້ວຍການເຂົ້າຮ່ວມຂອງທ່ານ ໜໍບີຫາ ຕົ່ງປາວ ຄະນະປະຈຳພັກແຂວງ ຮອງ ເຈົ້າແຂວງໆຊຽງຂວາງ, ຫົວໜ້າກົມຈັດຕັ້ງ, ຫົວໜ້າກົມສ້າງຄູ, ຫົວໜ້າພະແນກສຶກສາທິການ ແລະ ກິລາແຂວງງຊຽງຂວາງ ແລະ ແຂວງຫົວພັນ, ຄະນະພັກ ຄະນະອຳນວຍການ, ຄູ-ອາຈານໃນວິທທະຍາໄລຄູຄັງໄຂ ແລະ ໂຮງຮຽນປະຖົມ ແລະ ມັດທະຍົມສາທິດວິທະຍາໄລຄູຄັງໄຂເຂົ້າຮ່ວມທັງໝົດ 200 ກວ່າທ່ານ. ບັນດາຜູ້ເຂົ້າຮ່ວມໄດ້ຮັບຟັງຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການປະກາດພະນັກງານພັກການຮັບ ອຸດໜູນບຳນານ ແລະ ແຕ່ງຕັ້ງຜູ້ອຳນວຍການ, ຮອງຜູ້ອຳນວຍການຄົນໃໝ່. ການປະກາດພະນັກງານພັກການຮັບອຸດໜູນບຳນານແມ່ນ ທ່ານ ອາຈານ ວັນນິ ຢ່າງເຈຍມົວ ຜູ້ອຳນວຍການວິທະຍາໄລຄູຄັງໄຂ ພັກການຮັບອຸດໜູນບຳນານປະຈຳປີ 2023. ການແຕ່ງຕັ້ງຜູ້ອຳນວຍການ ແລະ ຮອງຜູ້ອຳນວຍ ການຄົນໃໝ່ແມ່ນໄດ້ແຕ່ງຕັ້ງ ທ່ານ ອາຈານ ສຸດຈັນທອງ ຈັນທະວົງ ຮອງຜູ້ອຳນວຍການ ເປັນຜູ້ອຳນວຍການຜູ້ໃໝ່, ແຕ່ງຕັ້ງທ່ານ ຄຳແຝງ ແສນນຄຳຈັນ ຫົວໜ້າ