ຄວາມເປັນມາ
ໄລຍະທີ 1:
ຜູ້ດູແລ
ຜູ້ອອກແບບ
ຂໍ້ຄວາມຈາກການ ຕອບຮັບ: 15
ປີ 1965 - 1977 ເອີ້ນວ່າ ໂຮງຮຽນສ້າງຄູມັດທະຍົມສູນກາງ ຢູ່ທີ່ຖໍ້າຄວາຍ ບ້ານນາຄາວ, ເມືອງວຽງໄຊ ແຂວງຫົວພັນ ກໍ່ສ້າງຄູຊັ້ນກາງໃນລະບົບ 7 + 2 ແລະ 7 + 3 ເຊິ່ງປະກອບມີ 2 ສາຍຮຽນ ຄື ສາຍສ້າງຄູວິທະຍາສາດທຳມະຊາດ ແລະ ສາຍສ້າງຄູວິທະຍາສາດສັງຄົມ..
ໄລຍະທີ 2:
ເລີ່ມແຕ່ປີ 1978 - 1986 ໄດ້ຍົກຍ້າຍມາຕັ້ງຢູ່ ບ້ານຊາງ, ເມືອງຄໍາ ແຂວງຊຽງຂວາງ ແລະ ປ່ຽນຊື່ເປັນໂຮງຮຽນສ້າງຄູຊັ້ນກາງເລກ 03 ປະກອບມີລະບົບ 7 + 3 ມີ 2 ສາຍຮຽນ ຄື ສາຍສ້າງຄູວິທະຍາສາດທຳມະຊາດ ແລະ ສາຍສ້າງຄູວິທະຍາສາດສັງຄົມ..
ໄລຍະທີ 3:
ເລີ່ມແຕ່ປີ 1987 - 1997 ໄດ້ຍົກຍ້າຍມາຕັ້ງຢູ່ ບ້ານຄັງໄຂ (ຄຸ້ມຫານພາ), ເມືອງແປກ ແຂວງຊຽງຂວາງ ແລະ ໄດ້ ປ່ຽນຊື່ເປັນໂຮງຮຽນສ້າງຄູຊຽງຂວາງ ປະກອບມີລະບົບ 7 + 3 ແລະ 8 + 3 ມີ 3 ສາຍຮຽນ ຄື ສາຍສ້າງຄູວິທະຍາສາດທຳມະຊາດ, ສາຍສ້າງຄູວິທະຍາສາດສັງຄົມ ແລະ ສາຍສ້າງຄູປະຖົມ.
ໄລຍະທີ 4:
ນັບແຕ່ປີ 1998 ຈົນເຖິງປັດຈຸບັນ ໄດ້ຍົກຍ້າຍມາຕັ້ງຢູ່ ບ້ານຄັງໄຂ (ຄຸ້ມຄັງໄຂໃຕ້), ເມືອງ ແປກ ແຂວງຊຽງຂວາງ ໄດ້ປ່ຽນຊື່ມາເປັນວິທະຍາໄລຄູຄັງໄຂ ມີຊື່ຫຍໍ້ວ່າ “ວຄຄຂ”. (ໂດຍອີງໃສ່ຂໍ້ຕົກລົງ 814/ສສ.ຈຕ/10, ລົງວັນທີ 9 ເມສາ 2010 ວ່າດ້ວຍການຈັດຕັ້ງ ແລະ ເຄື່ອນໄຫວຂອງວິທະຍາໄລຄູ). ນັບແຕ່ປີ 2023 ເຖິງປັດຈຸບັນໄດ້ປ່ຽນຊື່ຫຍໍ້ມາເປັນ “ວຄຂ”. (ໂດຍອີງໃສ່ຂໍ້ຕົກລົງວ່າດ້ວຍການຈັດຕັ້ງ ແລະ ເຄື່ອນໄຫວຂອງວິທະຍາໄລຄູຄັງໄຂສະບັບເລກທີ 1300/ສສກ ລົງວັນທີ 7 ເມສາ 2023). ໃນໄລຍະທີ 4 ນີ້ໄດ້ກໍ່ສ້າງຄູຫຼາຍລະບົບເຊັ່ນ:
ໃນໄລຍະທີ 4 ນີ້ໄດ້ກໍ່ສ້າງຄູຫຼາຍລະບົບເຊັ່ນ:
ກ. ສາຍສ້າງຄູອະນຸບານ
ໃນສາຍສ້າງຄູອະນຸບານ ໄດ້ເປີດການຮຽນ-ການສອນສ້າງຄູລະດັບຊັ້ນກາງ ເຊິ່ງມີລະບົບ 9+3, ລະບົບ 12+1 ແລະ ລະດັບຊັ້ນສູງ ລະບົບ 12+2.
ຂ. ສາຍສ້າງຄູປະຖົມ
ໃນສາຍສ້າງຄູປະຖົມໄດ້ເປີດການຮຽນ-ການສອນສ້າງຄູລະດັບຊັ້ນກາງລະບົບ 8+3, ລະບົບ 11+1, ລະບົບ 11+2, ລະດັບຊັ້ນສູງ ລະບົບ 12+2 ແລະ ລະດັບປະລິນຍາຕີ ລະບົບ 12+4.
ຄ. ສາຍສ້າງຄູມັດທະຍົມ
ໃນສາຍສ້າງຄູມັດທະຍົມໄດ້ເປີດການຮຽນ-ການສອນ ສ້າງຄູມັດທະຍົມຕົ້ນ ແລະ ມັດທະຍົມສົມບູນ ລະດັບອະນຸປະລິນຍາຕີ ລະບົບ 11+3 ແລະ ລະດັບປະລິນຍາຕີ ລະບົບ 11+5, ລະບົບ 11+3+2 ແລະ ລະບົບ12+4.
ວິທະຍາໄລຄູຄັງໄຂ
ວິທະຍາໄລຄູຄັງໄຂ ແມ່ນໄດ້ສືບທອດມາຈາກໂຮງຮຽນສ້າງຄູມັດທະຍົມສູນກາງແນວລາວຮັກຊາດ ເຊິ່ງສ້າງຕັ້ງຂຶ້ນເມື່ອວັນທີ 20 ພະຈິກ (11) ປີ 1965 ທີ່ ຖໍ້າຄວາຍ, ບ້ານນາຄາວ, ເມືອງວຽງໄຊ ແຂວງຫົວພັນ ໂດຍໃສ່ຊື່ວ່າ: “ໂຮງຮຽນສ້າງຄູມັດທະຍົມສູນກາງ”. ເຊິ່ງມີການປ່ຽນແປງແຕ່ລະໄລຍະດັ່ງຕໍ່ໄປນີ້:
ຂໍ້ມູນກ່ຽວກັບ ວຄຄຂ
ໃນໄລຍະທີ 4 ນີ້ໄດ້ກໍ່ສ້າງຄູຫຼາຍລະບົບເຊັ່ນ:
ກ. ສາຍສ້າງຄູອະນຸບານ
ກ. ສາຍສ້າງຄູອະນຸບານ
ກ. ສາຍສ້າງຄູອະນຸບານ
